Ndryshimet në qeveri, në pritje të takimit Ahmeti-Zaev
Kur saktësisht do të fillojnë ndryshimet në strukturat udhëheqëse në nivel ministror, në institucione shtetërore, komuna ku shteti është i përfaqësuar me disa institucione shtetërore dhe kur do të niset me “fshesën” e paralajmëruar varet nga takimi që kryeministri Zoran Zaev duhet ta ketë me partnerin e koalicionit Ali Ahmeti.

Dje nga Qeveria thanë se tani për tani ende nuk është konfirmuar termini për takim të kryeministrit Zaev me liderin e BDI-së Ahmeti lidhur me rikonstruimin e paralajmëruar qeveritar.

“Në këtë moment nuk kemi informacion të saktë për datë dhe kohë për takimin. Lidhur, me rikonstruimin e Qeverisë ky është në nivel të partnerëve të koalicionit”, tha Mile Boshnjakovski, ndërsa për më shumë informacione tha të drejtohen në partitë politike, transmeton Alsat.

Zëvendëskryetari i Qeverisë i angazhuar për Çështje Evropiane Bujar Osmani thekson se ndryshimet e paralajmëruara të kuadrit në pushtetin ekzekutiv do të thonë përmirësim i kapaciteteve në lidhje me përforcimin e politikave lidhur me çështjet ekonomike.

Ai sërish paralajmëroi se ndryshimet në Qeveri do të vijojnë pas takimit të Zoran Zaevit dhe Ali Ahmetit, liderët e partive më të mëdha në koalicionin qeveritar.
Shtuar më 17/05/2019, ora 11:09
Shkruani komentin tuaj!
Të fundit nga kjo kategori