Për shkak të reshjeve të mëdha të borës dhe temperature të ulëta, komuna e Tetovës ka shpallur gjendje të jashtëzakonshme, ndërsa ka miratuar edhe vendimin për ndërprerjen e procesit mësimor në arsimin fillor dhe të mesme.

Mësim nuk do të mbahet deri ditën e premte, ndërsa orët e humbura mësimore do të kompensohen gjatë sezonit veror- ka bërë të ditur kreu i komës së Tetovës, Sadi Bexheti.

Siç transmeton Alsat-M, ai gjithashtu kërkoi ndihmën e banorëve për të përballuar gjendjen e rëndë që mbretëron në këtë komunë.

Ndërkohë vendim të njëjtë për ndërprerjen e procesit mësimor ka miratuar edhe komuna e Gostivarit.