Mogherini: Marrëveshja për emrin, mundësi historike për Maqedoninë
Pëlqej
Miratimi i marrëveshjes për emrin e ri të Maqedonisë, e nënshkruar qershorin e kaluar nga kryeministri grek, Aleksis Cipras dhe ai maqedonas, Zoran Zaev është e vetmja mundësi për pajtimin në Ballkanin Perëndimor dhe zgjidhjen e një mosmarrëveshjeje të gjatë mes Shkupit dhe Athinës, që ndoshta nuk do të përsëritet, deklaroi shefja e politikës së jashtme të BE-së, Federica Mogherini.

Marrëveshja, miratimi i të cilës ishte nënvizuar nga bashkësia ndërkombëtare si një kusht për integrimin e Maqedonisë në BE dhe NATO, iu nënshtrua edhe një referendumi, ku nuk u arrit kuorumi prej 50%.


Megjithatë, mbi 90% e votuesve ishin në favor të marrëveshjes me Greqinë.

”Shpresoj që të gjithë aktorët politikë të kuptojnë rëndësinë dhe garantojnë një të ardhme të vendit në BE, një të ardhme që i gjithë vendi prej vitesh shpreson se do të bëhet realitet”, tha Mogherini.

”Kjo është një marrëveshje historike, e përshëndetur nga e gjithë Europa dhe mund sjellë ndryshime të mëdha në të gjithë rajonin e Ballkanit Perëndimor”, theksoi ajo.
Shtuar më 15/10/2018, ora 12:17
Shkruani komentin tuaj!
Të fundit nga kjo kategori