Ministri Xhaferri takohet me gjeneralin Krej
Ministri i Mbrojtjes Talat Xhaferri është takuar ditën e sotme me komandantin e Gardës Kombëtare të Vermontit, gjeneral- major Stiven Krej.

Në këtë takim është diskutuar për pjesëmarrje të përbashkët të ARM-së dhe Gardës Kombëtare të Vermontit në misione paqeruajtëse, bashkëpunim të ndërsjellë në fushën e trajnimeve dhe arsimimit, avancimin e bashkëpunimit ndërmjet korpusit të nënoficerëve, si dhe mundësitë për bashkëpunim trepalësh në fushën e Mbrojtjes midis Republikës së Maqedonisë, Vermontit dhe Senegalit.

Sipas Xhaferrit, Ministria e Mbrojtjes dhe Armata e Republikës së Maqedonisë janë përkushtuar për zhvillim të vazhdueshëm të bashkëpunimit me Gardën Kombëtare të Vermontit.

Ndërkohë që gjeneral-major Krej në vizitën që pati dje në Armatën e Maqedonisë është takuar edhe me shefin e Shtabit të Përgjithshëm të ARM-së, gjeneral-nënkolonel Goranço Koteski. /albeu.com/
Shtuar më 12/09/2013, ora 17:33
Shkruani komentin tuaj!
Të fundit nga kjo kategori