Prokuroria Publike Themelore solli Urdhër për zbatim të një procedure hetimore kundër katër personave të cilët akuzohen për keqpërdorim të pozitës zyrtare gjatë realizimit të marrëveshjes për fasadën e godinës së Qeverisë së Maqedonisë së Veriut.
Siç dihet, edhe ky objekt ishte pjesë e projektit “Shkupi 2014”. I dyshuari i parë me vetëdije i ka shkelur rregullat për dhënien e marrëveshjes për furnizim publik dhe e ka keqpërdorur procedurën.
Si dëshmi se e ka përmbushur kushtin minimal për vërtetimin e gjendjes ekonomike dhe financiare, ka dorëzuar tre marrëveshje me tre persona juridikë të cilët më vonë nuk i ka angazhuar, si dhe dy marrëveshje nën-kontraktuese me persona juridikë të cilëve ka dashur t’u lëshojë një pjesë të marrëveshjes për furnizim publik.
Nga muaji dhjetor i vitit 2014 deri në gusht të vitit 2015, i dyshuari i parë ka përfituar 8.823.916,00 denarë për partinë politike.
