Mijallkov dënohet sërish me burg
Gjykata e ka pranuar kërkesën e Prokurorisë speciale (PSP) për 30 ditë paraburgim për ish drejtorin e Drejtorisë për siguri dhe kundërzbulim, Sasho Mijallkov edhe për rastin ‘Perandoria’.

Mijallkov tani më është në paraburgim në Shutkë pas masës që iu shqiptua nga gjykata me 20 nëntor, në kërkesë të PSP-së për rastin ‘Target-Fortesa’, shkruan Nova.tv.

Hetimet për rastin ‘Perandoria’ janë kundër këtyre personave: Jordan Kamçev, Sasho Mijallkov, Nenad Josifoviq, Cevtan Pandeleski, Ratka Kunoska Kamçeva, Hristina Kamçeva Stojçeska, Zorica Arsovska, Liljana Gajdovska, Vlladisllav Stajkoviq, Todor Mirçevski, Dejan Janev, Vençe Mijalçev dhe Jovançe Taskovski për shkak të dyshimeve për vepra të kryera penale, për keqpërdorim të punës zyrtare, mashtrim, larje para dhe të tjera krime.

Deri më tani në paraburgim janë Jordan Kamçev, Nenad Josifoviq, Cevtan Pandeleski, Zorica Arsovska, Todor Mirçevski.
Shtuar më 02/12/2018, ora 09:39
Shkruani komentin tuaj!
Të fundit nga kjo kategori