I dështoi plani për të vjedhur bankomatin, arrestohet 38-vjeçari në Kuçovë

Një 38-vjeçar ka rënë në prangat e policisë së Beratit pasi tentoi të vidhte një shumë parash në një bankomat.

Shtetasi K.GJE banues në Kuçovë ka tentuar të thyej bankomatin e filialit të një banke në lagjen “Llukan Prifti”, por plani i ka dështuar.

Njoftimi i Policisë:

Kuçovë

Tentoi të vidhte një shumë parash në një bankomat, kapet dhe vihet në pranga 38-vjeçari.

Shërbimet e Komisariatit të Policisë Kuçovë, pas informacionit se një shtetas kishte tentuar të vidhte me thyerje në bankomatin e filialit të një banke në lagjen “Llukan Prifti”, Kuçovë, organizuan punën dhe si rezultat bënë të mundur identifikimin dhe kapjen e autorit të dyshuar.

Në përfundim të veprimeve, specialistët e Seksionit për Krimet bënë arrestimin në flagrancë të shtetasit K.(E).Gj., 38 vjeç, banues në Kuçovë.

Materialet i kaluan Prokurorisë së Rrethit Gjyqësor Berat, për veprën penale “Vjedhja e bankave dhe arkave të kursimit”.

 


Shtuar 1.03.2022 15:27