Më shumë se 1 milion e 800 mijë votues në Maqedoni patën mundësinë që gjatë së dielës të vendosin për fatin e vendit.

Duke votuar për në referendumin për ndryshimin e emrit, ata përcaktoheshin për integrimet euroatlantike të vendit.

Në pyetjen “A jeni për anëtarësim në NATO dhe BE duke pranuar marrëveshjen mes Republikës së Maqedonisë dhe Greqisë”, sipas rezultateve të Komisionit Shtetëror Zgjedhor, të numëruara deri në orën 22 e 30, 96.66 për qind e qytetarëve të Strugës kanë votuar "Për", ndërsa 1.99 për qind "Kundër".