Kryetari i PDSH-së, Menduh Thaçi theksoi se do të vazhdojë të mbrojë interesin e shqiptarëve dhe interesin kombëtar.

"Unë jam prej atyre që nuk e lëshojnë frontin, pa marrë parasysh se ka lloj-lloj muhabete ditët e fundit. Po e them një ngjarje që e kam dëgjuar në Dukagjin para disa viteve, aktivistët e Ramushit u thoshin njerëzve pse po votoni partinë e Rugovës, se mund të vinë prapë serbët, kur është Ramushi aty. Edhe këtu njerëzit tonë shqiptarë kur janë në halle dhe derte prapë e kërkojnë mbrojtjen prej PDSH-së dhe ne do ta bëjmë atë mbrojtje, do vendosim një si pendë që të mos mbirje presioni të bëhet shumë i madh te shqiptarët", ka thënë Thaçi, raporton zhurnal.

Menduh Thaçi nënvizoi se PDSH-ja ka qenë dhe mbetet partia e shqiptarëisë dhe e kombit shqiptar dhe se do të forcohet me kohën. /albeu.com/