Milani po kalon një formë të jashtëzakonshme pas pushimit të pandemisë në Serie A.
Rosonerët nuk kanë asnjë humbje dhe sot kanë mposhtur edhe Sampdorian me rezultat 1-4 në ndeshjen e xhiros së parafundit.
Dyshja Ibrahimovic – Calhanoglu po funksionojnë për mrekulli dhe ishin protagonist edhe në sfidën e sotme.
Suedezi shënoi dy herë (4’dhe 58’) dhe asistoi te goli i turkut në minutën e 54-të.
Golin e katërt për Milanin e shënoi Leao në minutën e dytë shtesë të ndeshjes.
Për Sampdorian golin e vetëm e shënoi Askildsen në minutën e 87-të të ndeshjes.
Me këtë fitore, Milani mbetet në vendin e gjashtë me 63 pikë, një më pak se Roma që ka një ndeshje më pak të zhvilluar.