Një djalë 15 vjeç nga fshati Mavrovë është mbytur në ujërat e liqenit të Mavrovës, pak çaste pasi ishte zhytur për të notuar. Trupi i pajetë është gjetur të premten në mëngjes. Ngjarja ka ndodhu në afërsi të manastirit “Shën Nikolla”, në fshatin Mavrovë, të enjten rreth orës 14 e 30 minuta.


Sipas asaj që njofton KOHA, djaloshi ka tentuar që të kalonte me not nga penda tek një platformë e largët rreth 200 metra, te bregu ku paraprakisht kishin arritur dy shokët e tij.

Sipas dëshmive të tyre, tashmë i ndjeri me inicialet Q.S (15), sa po kishte filluar të notojë, ishte fundosur dhe nuk kishte dalë më mbi sipërfaqen e ujit.

Deri në mbyllje të gazetës, ekipet e policisë së Gostivarit kanë vazhduar kërkimet për gjetjen e trupit të pajetë. Nga Policia e Gostivarit njoftojnë që kanë filluar hetimet për zbardhjen e të gjitha rrethanave që çuan deri tek ky rast tragjik. /albeu.com/