Maqedonia dhe Serbia pritet ti propozojnë autoriteteve të Brukselit afate të shkurtuara për shqyrtimin e aplikimeve të azilkërkuesve nga vendet e tyre. Propozimi pritet ti bëhet edhe vendeve veç e veç, të cilët ditëve të fundit kanë shprehur shqetësimet për rritjen e numrit të azilërkuesve nga Maqedonia dhe Serbia, kryesisht pjesëtarë të komunitetit rom, njofton INA.

Procedurat e shkurtuara dhe deportimi i menjëhershëm shqyrtohen si masa të pranueshme për të ulur fluksin e madh të azilkërkuesve. Javën e ardhshme priten takime me zyrtarë të gjashtë vendeve që kanë alarmuar fluksin e madh të azilkërkuesve.

Politikani hungarez që është pjesë e Këshillit për eurointegrime në Serbi, Laslo Varga ka akuzuar politikanët si fajtor dhe jo azilkërkuesit për rrëfimet dhe situatën e fundit lidhur me shqetësimet për fluksin e azilërkuesve dhe rikthimin e vizave për Serbinë.

Ai ka akuzuar Qeverinë e Serbisë lidhur me deklarimet e krerëve të saj me deklarata të ashpra kundër vendimeve dhe sugjerimeve të Bashkimit Europian. /albeu.com/