Maqedonia është renditur e 73-ta, ndërsa Shqipëria e 90-ta, sipas Indeksit të Demokracisë për vitin 2012.

Ky raport është publikuar sot nga revista prestigjioze londineze “Ekonomist”, ku janë vlerësuar 165 vende sipas Indeksit të Demokracisë, informon INA.

Vendet janë vlerësuar sipas lirive qytetare, proceseve zgjedhore dhe pluralizmit, funksionimit të Qeverisë, pjesëmarrjes politike si dhe kulturës politike.

Sa i përket vendeve të rajonit, kjo është radhitja:

Sllovenia - 28

Greqia - 33

Kroacia - 50

Bullgaria - 54

Serbia -66

Maqedonia 73

Mali i Zi – 76

Shqipëria 90

Bosnjë – Hercegovina - 98



Sipas raportit, vendet me demokraci më të lartë janë: Norvegjia, Suedia, Islanda, Danimarka, Zelanda e Re, Australia, Zvicra, Kanadaja, Finlanda, Holanda.

Ndërsa vendet me shkallë më të ulët të demokracisë janë: Korea e Veriut, Guinea – Bisau, Çadi, Siria, Arabia Saudite, Turkmenistani, Uzbekistani. Para disa vendeve të Ballkanit si vende më demokratike janë radhitur më lartë: Papua Guinea e Re, Mongolia, Surinami, Namibia dhe Zambia. /albeu.com/