Maqedoni, librat shkollorë do të rishikohen
Nikolla Todorov
Ministri maqedonas i Arsimit dhe Shkencës, Nikolla Todorov, ka urdhëruar rishikimin e librave shkollorë nga klasa e parë në të pestën. Vendimi i ministrit është marrë në takimin e jashtëzakonshëm me komisionin kombëtar të librave, shërbimin pedagogjik dhe zyrën për zhvillim të arsimit. Në këtë takim u vendos që rishikimi i teksteve shkollore nga klasat 1-5 do të bëhet nga fakultetet pedagogjike në Shkup, Shtip, Manastir dhe Tetovë.

Kurse revizionimin e librave tjera të shkollave fillore do ta bëjnë komisioni kombëtar për libra, byroja për zhvillimin e arsimit dhe ekspertë të fakulteteve të Maqedonisë. Rishikimi i të gjitha librave do të bëhet brenda prej 30 ditëve nga formimi i ekipeve të punës. “Ekipet do të fillojmë t’i formojmë nga dita e hënë dhe do të vazhdojnë deri në fund të javës së ardhshme”, deklaroi Todorov.

Tërheqja e të gjitha librave shkollore erdhi si rezultat i reagimeve të shumta rreth publikimit të fakteve të pavërteta për kulturën shqiptare por edhe atë maqedonase në këto libra. Në librin shkollor “Shoqëria” për klasën e pestë, Republika e Kosovës tregohej si “pjesë e Serbisë kurse pavarësinë e vet Kosova e fitoi në vitin 2009 si krahinë autonome e Serbisë”.
Shtuar më 22/08/2010, ora 14:47

Shkruani komentin tuaj!
Të fundit nga kjo kategori