Lustrohet ish ministri Çokrevski
Dosja "Themel" është shfletuar në mbledhjen e djeshme, ku anëtarët e Komisionit kanë konstatuar edhe përfshirjen e drejtuesit të atëhershëm të MPB-së, ministër i LSDM-së në vitet 1996-1998, në hartimin e dosjes së përdjekjes për VMRO-DPMNE-në e atëhershme.

Komisioni për Verifikimin e Fakteve (KVF) ka lustruar ish-ministrin e Punëve të Brendshme, Tomislav Çokrevski dhe 11 persona të tjerë, të punësuar në MPB, të dyshuar se kanë qenë të përfshirë në aksionin për përndjekjen e drejtuesve të VMRO-DPMNE-së, shkruan Lajm.

Siç informon Komisioni, katër nga të lustruarit janë shpallur tashmë si të tillë, për veprimtarinë e njëjtë, ndërsa për 7 të tjerë nuk dihet nëse janë ende gjallë.
Komisioni ka votuar njëzëshëm, me përjashtim të anëtarit Çedomir Damjanovski, i cili ka hedhur poshtë pretendimin se përndjekja ka qenë e jashtëligjshme.

Ai ka thënë se personat e përndjekur iu kanë nënshtruar këtyre masave nën dyshimin se kanë punuar në prishjen e rendit kushtetues të shtetit.

“Nëse aksioniThemel’ është i jashtëligjshëm, atëherë edhe aksioni ‘Spiuni’ duhet shpallur si i tillë, për shkak se Policia informoi se personat e arrestuar ishin ndjekur prej dy vitesh”, ka deklaruar Damjanovski. /albeu.com/
Shtuar më 20/09/2013, ora 13:23

Shkruani komentin tuaj!
Të fundit nga kjo kategori