Partia opozitare e Maqedonisë, LSDM nën drejtimin e Zoran Zaev, kërkon shkarkimin e presidentit, Gjorge Ivanov, pas vendimit të tij për të falur 56 politikanë nën hetim, për të ashtuquajturin skandal i përgjimeve.

Kjo parti ka dërguar një Parlament kërkesën për të futur në procedurë parlamentare për përgjegjësi të kreut të shtetit lidhur me vendimin për të falur personat nën hetim të PSP-së, kryesisht funksionarë të VMRO-DPMNE-së, shkruan Zhurnal.

Kjo iniciativë deri më tani ka gjetur mbështetjen e 50 ligjvënësve maqedonas, që mundëson diskutimin e kësaj kërkese në Kuvend. Por për shkarkimin e kreut të shtetit nevojiten edhe 32 vota të tjerë, që vështirë se LSDM mund t’i sigurojë. Javën e kaluar, Parlamenti maqedonas votoi draftin e partive në pushtet për të ndryshuar disa ligje përfshi dhe atë për faljen.

Kjo i mundëson presidentit tërheqjen e vendimit pa dhënë argumente shtesë, çka mund të sillte zgjidhjen e krizës politike në vend. Por deri më tani Ivanov, nuk e ka ushtruar këtë të drejtë. /Albeu.com/