LSDM gati të pranojë kryeministër shqiptar?
Një medium pro-qeveritar në Shkup ka publikuar lajmin sipas të cilit, LSDM është duke u përgatitur për të marrë pushtetin pa zgjedhje, duke krijuar një shumicë të re parlamentare me dy partitë shqiptare, PDSH-në dhe BDI-në. Kjo dilemë është shfaqur pas deklaratës së kryeministrit, Nikolla Gruevski, i cili në mënyrë të qartë tha se edhe pse VMRO-DPMNE nuk i do zgjedhjet, sërish mund të shkohet në zgjedhje nëse BDI vendosë ashtu, shkruan portali "Almakos.com"

Në qoftë se analizohen disa deklarata, që anëtarë ose politikanë të afërt nga vitet e kaluara të LSDM-së, në mesin e atyre është Lubomir Fërçkovski, atëherë lehtë mund të kuptohet strategjia e LSDM-së. Një vit më parë, për "Top Channel" Fërçkovski, tha se "neve na konvenon një lloj qeverie që gjithmonë do të jetë koalicion me koalicionim të madh. Së dyti, na duhet një sistem ku do të ketë rotacion të funksioneve kryesore. Kryeministër në këtë rast mund të jetë edhe ndonjë shqiptar, pa ndonjë tension apo problem". Por në atë kohë partia e Branko Cërvenkovskit u distancua nga kjo deklaratë e Fërçkovskit.

Edhe gazeta "Lajm", kohë më parë shkruante se Cërvenkovski është i gatshëm të pranojë për kryeministër ndonjë shqiptar. /albeu.com/
Shtuar më 28/08/2012, ora 10:59
Shkruani komentin tuaj!
Të fundit nga kjo kategori