Likova festoi 2 Majin
U mbajt tubimi përkujtimor i përvitshëm i 2 Majit në Sllupçan të Kumanovës. Në këtë tubim përkujtimor, morën pjesë familjet e dëshmorëve, përfaqësues politikë si dhe qytetarë nga qytete të ndryshme të Maqedonisë.

Mes pjesëmarrësve ishte dhe lideri i BDI-së, Ali Ahmeti, i cili para të pranishmëve u zotua se do të angazhohet për të përmbushur ëndrrën e dëshmorëve të konfliktit të armatosur të 2001. Ai më tej shtoi se Universiteti që është hapur në Kumanovë është ndërtuar me gjakun e dëshmorëve.

Përveç Ali Ahmetit, masës së tubuar iu drejtuan edhe kryetari i Shoqatës së Veteranëve të Luftës, Fazli Veliu, kryetari i Komunës së Likovës, Sadulla Duraku, deputeti Abedin Zyberi, ish- deputeti Fatmir Hasani dhe përfaqësues tjerë.

Pas manifestimit të pranishmit bënë homazh në varrezat e dëshmorëve.
2 Maji është festë që mbahet çdo vit në këtë zonë, pasi në këtë datë të vitit 2001, UÇK shpalli Likovën zonë të lirë dhe filloi lufta që u përfundua me nënshkrimin e Marrëveshjes së Ohrit. /albeu.com/
Shtuar më 02/05/2011, ora 21:00

Shkruani komentin tuaj!
Të fundit nga kjo kategori