Ministrat e punëve të jashtme të Republikës Sllovake, Mirosllav Lajçak dhe ai i Republikës së Austrisë, Michael Shpindeleger, sot do të jenë në Maqedoni për një vizitë zyrtare.

Shefat e diplomacive të Sllovakisë dhe të Austrisë do të priten në takim nga presidenti i Republikës së Maqedonisë, Gjorge Ivanov. Në takim do të diskutohet për integrimet euroatlantike të Republikës së Maqedonisë dhe zhbllokimin sa më të shpejtë të tyre.

Lajçak dhe Shpindeleger do të realizojnë takim edhe me kryetarin e Kuvendit të RM-së, Trajko Veljanoski, me ministrin e Punëve të Jashtme, Nikolla Poposki, me kryetarin e Bashkimit Demokratik për Integrim, Ali Ahmeti, si dhe me kryetarin e Komisionit kuvendor për politikë të jashtme, Antonio Milloshoski. /albeu.com/