Kurban Bajrami, "El Hilal" dhe "Kalliri i Mirësisë" ndihmojnë 6 mijë familje
Organizatat humanitare "Kalliri i Mirësisë" dhe "El–Hilal" edhe këtë vit organizojnë aktivitete humnanitare me rastin e Festës së Kurban Bajramit. Sipas kryetarit të shoqatës humanitare "Kalliri i Mirësisë" Rufat Sherifi e gjithë kjo është që fëmijët të cilët janë të privuar nga mundësitë dhe mirësitë materiale sado pak tu rikthehet buzëqeshja në fytyrat e tyre, njofton Portalb.


"Sa i përket aktiviteteve vjen në shprehje shpërndarja e veshëmbathjeve për fëmijët skamnor, kjo do të bëhet në disa vende rurale në Komunën e Haraçinës, Studaniçanit dhe Kërçovës dhe viseve tjera, besoj se në këtë mënyrë do të kontribuojmë për familjet skamnore e posacërisht për fëmijët të cilët janë të privuar nga mirësitë material. Po ashtu ne bëjmë edhe grumbuillimin e mishit të Kurbanit gjë që kemi filluar para disa ditëve", tha Sherifi.

Edhe kryetari i organizatës humanitare ‘El-Hilal’ Behixhudin Shahapi foli për aktivitetet që do ti merr kjo organizatë për hir të kësaj feste.

‘Shpresojmë se edhe këtë vit aktivitetet për festën e Kurban Bajramit do të kenë sukses,rreth 3 mijë familje do të kenë mundësi do të furnizohen me mish të kurbanit ‘ tha Shehapi.

Ndryshe festa e Kurban Bajramit është festa më e madhe e besimtarëve myslimanë, pas Ramazanit. Kurban Bajrami është dita e mëshirës, mirëkuptimit, mirësisë, vëllazërimit dhe paqes. Sipas zakonit, çdo mysliman i mirë, sipas mundësive, i ofron Allahut gjakun e një bagëtie. /albeu.com/
Shtuar më 12/10/2013, ora 11:11
Shkruani komentin tuaj!
Të fundit nga kjo kategori