Kumanovë, rritet numri i të prekurve me hepatit
Në Kumanovë është regjistuar rritje e numrit të personave të prekur nga hepatiti (verdhëza). Sipas autoriteteve shëndetësore, në territorin e Kumanovës në vitin 2013 u regjistruan të prekur nga verdhëza 16 persona, ndërsa në vitin 2014 numri i të prekurve shkoi në 104.

Sipas Qendrës së Shëndetit Publik në Kumanovë, shumica e të prekurve nga sëmundja janë fëmijë.

“Pritet që ky numër të rritet edhe më, për shkak se epidemia është ngjitëse. Qendra e Shëndetit Publik ndërmerr të gjitha masat në drejtim të edukimit dhe të dezinfektimit preventiv, si në shtëpi dhe në shkolla. Por marrë parasysh se epidemia është shpallur edhe në qytetet e tjera, shpresoj se pushimi dimëror i nxënësve do të ndikojë në uljen e numrit të të prekurve”, tha mjekja Jadranka Stojmanovska për Radion "Evropa e Lirë". /albeu.com/
Shtuar më 14/01/2015, ora 12:16

Shkruani komentin tuaj!
Të fundit nga kjo kategori