“Kumanova”, Gjykata jep vendimin për Sulejman Osmanin
Gjykata në Shkup sot do të japë vendimin për Sulejman Osmanin, i akuzuar në rastin "Kumanova".

Sulejman Osmani ishte personi i parë që u dorëzua në lagjen e trimave më 9 maj por më pas u arratis në Grushinë. Ai pas disa muajsh u arrestua në Kosovë dhe më pas u ekstradua në Maqedoni.

Ai një seancë të mbajtur ditë më parë ka dhënë fjalën përfundimtare, ku ka mohuar aktakuzën për terrorizëm dhe ka theksuar se ai dhe bashkëluftëtarët e tij nuk qëndruan në Kumanovë për të mbrojtur as Ali Ahmetin e as Nikolla Gruesvkin, por për të avancuar të drejtat e shqiptarëve.

“Në Maqedoni nuk kemi ardhur as për Gruevskin dhe as për Ali Ahmetin ashtu siç flitet, por ne jemi këtu për shqiptarët, që të mos ketë më raste të montuara ashtu siç edhe ka pasur më parë.

Unë ju flas në emër të UÇK-së dhe ju them se nëse duan të kenë bashkëjetesë me shqiptarët do të duhet të plotësohen të drejtat e tyre dhe të mos ketë raste të montuara politike. Të arrestuarit e logjistikës janë të pafajshëm, ata nuk i njoh, ata janë të varfër dhe i keni arrestuar pa pikë faji”, tha i akuzuari Sulejman Osamni.

Prokuroria në fjalën përfundimtare tha se deri më tani është vërtetuar se i akuzuari Sulejman Osmani ka marr pjesë në sulmin e Gushincës dhe në Lagjen e Trimave dhe për këtë arsye kërkojmë që i njëjti të gjykohet në bazë të veprave që janë ngritur ndaj tij, për terrorizëm dhe organizatë terroriste. /albeu.com/

Shtuar më 19/10/2017, ora 10:29

Shkruani komentin tuaj!
Të fundit nga kjo kategori