Duket se çështja e dygjuhësisë ka ndezur debate jo vetëm në Maqedoni por edhe në radhët e eurodeputetëve të parlamentit Ecropian. Ndërmjetësuesi për Maqedoninë Hovit ka futur në rezolutë dygjuhësinë në Maqedoni.

Eurodeputeti sllovak Eduard Kukan, ka komentuar Rezolutën për Maqedoninë, e cila është propozuar nga ndërmjetësuesi i BE-së, Richard Hovit ku kërkohet dygjuhësia në Maqedoni.

"Unë jam sllovak dhe askush nuk ka të drejtë që të më detyrojë mua të mësoj gjuhën hungareze, e cila është gjuhë e pakicës në vendin tim", shprehet Kukan.

Pas reagimit të Kukan ka reaguar edhe homologu i tij britanik, i cili është shprehur se propozimi i Hovit është vetëm për të promovuar idenë, dhe jo për ta imponuar atë.

Kukan thekson se përveç 24 gjuhëve zyrtare në Bashkimin Evropian ka edhe shumë rajone në të cilat fliten gjuhët e pakicave.

"Por është shumë e rëndësishme të mos u'a imponosh dygjuhësinë. Gjithashtu ne nuk mund t'ua imponojmë politikat gjuhësore as Maqedonisë e as ndonjë vendi tjetër në rajon. BE-ja është duke luftuar të promovojë diversitetin gjuhësor dhe mësimin e gjuhëve. Kjo është arsyeja përse ky koncept është reflektuar në Rezolutën për Maqedoninë, e cila është shumëkulturore", është shprehur Kukan. /albeu.com/