Komisioni voton që Gruevski të mos jetë më deputet
Komisioni i për Çështje të Rregullores, Mandatit dhe Imunitetit, me pesë vota pro i miratoi gjashtë kërkesat e gjykatës për marrjen e imunitetit të deputetit për shkak të masës së arrestit ish-kryeministrit të Maqeedonisë Nikolla Gruevskit, i cili u arratis nga Maqedonia dhe mori azil në Hungari.

Në seancë nuk mori pjesë asnjë prej deputetëve të partisë opozitare VMRO-DPMNE, kryetar nderi i së cilës është Gruevski.

Vendimet për kërkesën për miratimin e masës së arrestit do t’i dërgohen kryetarit të Kuvendit, i cili duhet të thërrasë seancë plenare.

Kryetari i Komisionit Pavle Bogevski shprehu zhgënjim që, si tha, sistemi ynë nuk e gjeti Gruevskin për vuajtjen e dënimit dyvjeçar për rastin “Tank”. Ai kërkoi përgjegjësi dhe përfundimin e hetimit për arratisjen e Gruevskit.


Shtuar më 27/11/2018, ora 12:21

Shkruani komentin tuaj!
Të fundit nga kjo kategori