Kërkohet largimi i gjykatësit serb nga rasti i vrasjes së Almirit
Në seancën e rigjykimit për rastin e Almir Aliut, pala e dëmtuar kërkoi ndërrimin e gjykatësit ndihmës Lubomir Gjorgjeviç. Sipas avokatit Asmir Alispahiç, gjykatësi Gjorgjeviç është nga etnia e njejtë me të akuzuarin Boban Iliq dhe për këtë arsye trupi gjykues duhet të ketë gjykatës shqiptar.

I akuzuari Boban Iliq denoncoi kërcënime para gjykatëses Maja Denkoska.

Sipas tij, disa persona përmes rrjetit social Facebook i janë kërcënuar gruas së tij. Iliq shtoi se kërcënimet i ka paraqitur në polici.

I njëjti nuk pranoi të flasë për Alsat edhe pse tentuam të marrim prononcimin e tij jashtë gjykate.

Seanca e radhës është caktuar për më 2 prill.

I akuzuari Iliq më 25 qershor 2016, pas një zënke banale me babanë e Almirit 4-vjeçar i përplasi ata qëllimisht me makinën e vet. Disa ditë më vonë Almiri vdiq nga plagët e marra.

Shtuar më 19/02/2019, ora 13:18
Shkruani komentin tuaj!
Të fundit nga kjo kategori