Jashari: Të hapen vendkalimet kufitare me Kosovën
RDK Kumanovë-Likovë do të angazhohet për hapjen e vendkalimeve kufitare me Kosovën dhe Luginën e Preshevës. Shqiptarët e Likovës dhe Kumanovës javën e kaluar e ndoqën hapjen e vendkalimit kufitar midis Maqedonisë dhe Serbisë në zonën e Kriva Pallankës, një përurim i bërë nga Qeveria aktuale ku bën pjesë edhe BDI.

Kandidati për deputet i Rilindjes Demokratike Kombëtare, Selver Jashari, përmes në një deklarate për shtyp deklaroi se, ky ishte një moment tmerrues për të gjithë ne, sepse shqiptarët në këto zona ngelëm të përbuzur dhe të mashtruar me premtimet e kota dhe të rrejshme se jo sot apo jo nesër do të hapen vendkalimet kufitare Llojan-Miratoc me Luginën e Preshevës dhe Bellanoc-Stan[iq me Kosovën.

Rilindja Demokratike Kombëtare, dega në Kumanovë e Likovë e vlerëson si të domosdoshme hapjen e pikave kufitare me Kosovën dhe me Luginën e Preshevës, raporton INA.

Kjo do të ndihmonte qarkullimin e lirë të mallrave, personave, ideve dhe përfitimeve tjera në fusha të ndryshme të jetës.

Ai tha se, RDK nuk pajtohet me neglizhencën dhe turpërimin që bëhet nga institucionet kompetente për bllokimin dhe anashkalimin e hapjes së këtyre pikave të lartëpërmendura kufitare, që ishin kërkuar edhe si domosdoshmëri nga ana e bashkësisë ndërkombëtare.

"Përkujtojmë shqiptarët se kjo Qeveri po financon projekte 200 milion euro për përmendore që nxisin urrejtje dhe padurueshmëri ndëretnike dhe ndërfetare, ndërsa nuk u bë asgjë për të hapur perden e hekurt me vëllezërit dhe familjet tona që i kemi disa metra larg në Kosovë e Luginë të Preshevës", u shpreh Jashari.

"Ne jemi fuqimisht të bindur se do të kemi si prioritet hapjen e këtyre dy vendkalimeve kufitare, duke shuar njëherë e përgjithmonë këtë kërkesë e cila është bërë një kartë manipulimi dhe mashtrimi të shqiptarëve të këtyre trevave gjatë dekadave të fundit", shtoi ai.

Kandidati për deputeti i RDK-së, njësia zgjedhore numër 2 theksoi se, Rilindja Demokratike Kombëtare është alternativa e vetme shqiptare, e cila din dhe guxon të konfrontohet me këto politika të diskriminimit dhe nën[mimit të hapur të shqiptarëve, duke pasur parasysh faktin e përbuzjes dhe manipulimit të vazhdueshëm të besimit të marrur nga vota shqiptare.

"Shqiptarët e Kumanovës dhe Likovës përfundimisht duhet të dijnë të ndajnë të keqen dhe mirën, të dënojnë gjithë ato të këqija të shkaktuara viteve të fundit në këto treva, ku qytetarët e këtyre trevave skajshmërisht janë të diskriminuar, varfëruar dhe anashkaluar", u tha në fund të konferencës për shtyp. /albeu.com/
Shtuar më 09/05/2011, ora 12:08

Shkruani komentin tuaj!
Të fundit nga kjo kategori