Edi Reja shpreson që pas disa javësh të jetë më në fund në gjendje që të udhëtojë drejt Shqipërisë dhe t’i kthehet punës së tij në terren për të përgatitur përfaqësuesen shqiptare të futbollit për ndeshjet e Ligës së Kombeve në muajt e fundit të këtij viti.
Në një intervistë për mediat italiane, Reja ka shpjeguar se për momentin e ka të pamundur që të udhëtojë drejt vendit tonë.
“Shqipëria është mes atyre vendeve në të cilat nuk ka qarkullim të lirë për të luajtur futboll. Shpresoj që të udhëtojmë atje pas datës 15 gusht. Kemi disa ndeshje ndërkombëtare që do të luajmë në shtator. Edhe Hysaj do të jetë mes të grumbulluarve, shpresojmë të jetë përsëri në formë atëherë. Unë e shoh plotësisht të transformuar në krahasim me më parë”, tha Reja.
