Janjiq: Serbia vuan nga "imperializmi i vogël"
Njohësi i mirë i rrethanave rajonale dhe politikani nga Serbia, Dushan Janjiq, ka folur në paraqitjen e tij, se Serbia vuan ende nga, siç e ka quajtur ai, imperializmi i vogël ballkanik.

Duke sqaruar këtë term, autokritiku Janjiq vlerëson se shteti serb është “përcaktuar” për filozofinë e grandomanisë, e shndërruar në ligjërim politik, në përpjekje për të fshehur humbjet e mëdha që ka pësuar në luftërat përgjatë historisë.

Janjiq ka pretenduar se janë rreth 55 mijë serbë të vrarë në këto luftëra, porse shteti dhe politika zyrtare serbe e mban të fshehur si e dhënë, duke krijuar një fotografi të rreme për luftërat, sidomos ato të viteve 90-ta.

Serbia e ka përjetuar në mënyrë tragjike shpërbërjen e Jugosllavisë, ndaj ka gjetur zgjidhjen tek ky ‘imperializëm i vogël ballkanik’”, ka theksuar Janjiq.

Megjithatë, analisti nga Serbia është shprehur se Ballkani është nën ndikimin e fuqive të mëdha, dhe se në këtë drejtim, shtetet e rajonit kanë veshur, siç është shprehur, rrobat e reja të normalizimit dhe të pajtimit.

Duke iu referuar Kosovës dhe marrëdhënieve me Serbinë, Janjiq ka thënë se zgjedhjet e nëntorit dhe marrëveshja kornizë, do të jenë sfidat e radhës për këtë shtet të ri.

Sfidë, ka vijuar ai, jo vetëm për komunitetin serb i cili ka mundësinë për t’u institucionalizuar me anë të këtyre zgjedhjeve, por edhe për shqiptarët e zhvendosur nga shtëpitë e tyre, në ato mjedise ku janë pakicë, shkruan Zhurnal.

Analisti ka thënë ndër të tjera se, nëntori është në të vërtetë shumë sfidues për të dyja vendet, sepse do të përmblidhen të dhënat nga suksesshmëria e zgjedhjeve lokale, por dhe se “do jetë momenti i matjes së fuqive në mes Gjermanisë dhe SHBA-së, pavarësisht se marrëveshja kornizë po udhëhiqet nga shteti gjerman”.

“Është një moment kritik, sepse ky proces duhet të kalojë në atmosferë demokratike, kontrolluar nga BE dhe OSBE”, ka theksuar Janjiq.

Sipas tij, rajoni po globalizohet dhe kjo vetëkupton desovranizim të shteteve dhe të kufijve. /albeu.com/
Shtuar më 01/09/2013, ora 13:16
Shkruani komentin tuaj!
Të fundit nga kjo kategori