Janeva: Mungojnë kushte për punë të papenguar të institucioneve
Prokurorja Speciale e Maqedonisë, Katica Janeva sot në Bruksel ka folur për temën: “Përforcimi i rezistencës ndaj korrupsionit dhe robërimit të shtetit në Evropën Juglindore”.

Në fokusin e punëtorisë ka qenë këmbimi i përvojave në pikëpamje të ndjekës së zbatimit të mekanizmave për luftë kundër korrupsionit, avancimit të zbatimit të politikave kundër korrupsionit. Qëllimi themelor i punëtorisë është këmbimi i përvojave të pjesëmarrësve në drejtim të problemeve me të cilat ballafaqohen, si dhe rëndësinë e përfshirjes së sektorit qytetar.

Janeva gjatë fjalimit ka theksuar rëndësinë e mundësimit të kushteve të papenguara për funksionimin e institucioneve në procesin e ballafaqimit me korrupsionin sidomos atë të profilit të lartë.

Aty morrën pjesë përfaqësues të lartë të Komisionit Evropian, anëtarë të Parlamentit Evropian, si dhe përfaqësues të sektorit qytetar nga rajoni dhe Evropa.

Në kuadër të vizitës në Bruksel, pritet që Janeva të realizojë edhe takime me anëtarë të Parlamentit Evropian./Albeu.com/
Shtuar më 14/06/2016, ora 19:38
Shkruani komentin tuaj!
Të fundit nga kjo kategori