Në listën e Ali Ahmetit, deputeti më i pasur është Ramiz Merko.

Prona e tij kap një vlerë prej 623 mijë eurosh.

Te kjo pasuri përfshihen prona, para në bankë dhe makina.

Merko fiton po ashtu për çdo vit 10 mijë euro vetëm nga qiratë, ndërsa dikush i ka një borxh prej 43 mijë eurosh.

I dyti në rradhë nga BDI është deputeti Hazbi Lika, transmeton Almakos.

Pasuria e tij shkon 540 mijë euro, por 54 mijë i ka kredi.

I treti nga partia shqiptare në pushtet, Jamin Sinani vlerësohet të ketë një pasuri prej 500 mijë eurosh.

Ndërkaq, në listën e Menduh Thaçit, më i pasuri rezulton të jetë Gazmend Aliu me 267 mijë euro.

Në pasurinë e tij regjistrohen 267 mijë eurot, por ka dhe një kredi prej 11 mijë eurosh.

Bekim Fazliu ka deklaruar 125 mijë euro pasuri.

Imer Aliu ka pasuri prej 54 mijë eurosh dhe një kredi prej 10 mijë euro.

Më i varfëri rezulton të jetë deputeti Ernad Fejzullahu me vetëm 15 mijë euro dhe një makinë prej 3 mijë eurosh. /albeu.com/