Lideri i BDI-së Ali Ahmetin dhe ai i PDSH-së Menduh Thaçi, kanë zhvilluar sot një takim me eurodeputetët Ivo Vajgll, Eduard Kukan dhe Knut Fleckenstein, gjatë një vizite që këta të fundit kanë zhvilluar në Maqedoni në kuadër të zgjedhjeve të parakohshme parlamentare që pritet të mbahen më 11 dhjetor.

Lideri i PDSH-së, Menduh Thaçi, pas takimit me eurodeputetët ka thënë se ka marrë lajme të mira.

"Mora vesh se zgjedhjet në Maqedoni do të jenë si në situatë rentgeni.

Një mesazh i fortë për OBRM-PDUKM-në dhe BDI-në, pasi ata më nuk mund të bëjnë parregullësi gjatë zgjedhjeve, si në zgjedhjet e kaluara.

Jemi marrë vesh që të kemi kontakte të ngushta dhe të informojmë palët për fushatën dhe për zgjedhjet", ka thënë ThaÇi pas takimit me eurodeputetët në një prononcim për mediet. /albeu.com/