Tre shtetas shqiptarë kanë rënë në prangat e policisë në Angli, pasi janë kapur në një “shtëpi bari”.
Renald Dema, Ali Hoxha dhe Juljan Jaku janë tre shqiptarët e arrestuar nga efektivët britanikë.
Ata kanë dalë para gjykatës dhe janë dënuar. Konkretisht Dema, 21 vjeç, pa adresë fikse, u burgos për dy vjet e tre muaj. Hoxha, 29 vjeç, pa adresë fikse, u dënua me dy vjet e nëntë muaj, ndërsa Jaku, 24 vjeç, gjithashtu pa adresë fikse, u dënua me dy vjet e gjysmë burg.
Raportohet se ishin qentë e policisë që kanë zbuluar fermën e kanabisit. Autoritetet theksojnë se investimi në këtë shtëpi bari shkon në 1.3 milion paundë./albeu.com/
