Ivanov në Samitin e PBEJL në Beograd
Presidenti i Republikës së Maqedonisë, Gjorge Ivanov sot do të marrë pjesë në Samitin e shefave të shteteve dhe qeverive të vendeve-anëtare të Procesit për bashkëpunim në Evropën Juglindore (PBEJL), që po mbahet në Beograd.

Ivanov do të ketë fjalim në Samit, ndërsa në margjinat është parashikuar të ketë edhe disa takime dypalëshe.Në Beograd dje u mbajt mbledhja ministrore e PBEJL në të cilën ka marrë pjesë edhe shefi i diplomacisë së Maqedonisë, Nikolla Poposki.

Në mbledhje u përmblodhën rezultatet nga kryesia njëvjeçare e Serbisë me PBEJL, e cila përfundon sot me Samitin e shefave të shteteve dhe qeverive. Kryesues i ardhshëm me nismën është Republika e Maqedonisë, e cila për herë të dytë do të kryesojë me PBEJL.Kryesimi me këtë nismë rajonale është rotuese mes të gjitha vendeve-anëtare dhe është me kohëzgjatje prej një viti.

Ministri Poposki në mbledhje e riafirmoi përkushtimin e Republikës së Maqedonisë drejt parimeve të fqinjësisë së mirë, bashkëpunimit rajonal, pajtimin dhe inkluzivitetin përmes intensifikimit të bashkëpunimit politik, të sigurisë, mbrojtjes dhe bashkëpunimit tjetër në rajon, si domosdoshëmëri për zhvillim të tij të mëtutjeshëm socio-ekonomik dhe progres drejt integrimit evropian dhe euro-atlantik.Poposki i prezantoi edhe prioritetet e Presidencës së Maqedonisë me PBEJL për periudhën qershor 2012 - qershor 2013, sfera e bashkëpunimit politik, ekonomik, kulturor, arsimor dhe bashkëpunimit tjetër në rajonin e Evropës Juglindore, ndërsa në drejtim të realizimit të progresit të mëtutjeshëm në procesin integrues evropian dhe euroatlantik.

Procesi i bashkëpunimit në Evropën Juglindore është nisma e parë autoktone rajonale e vendosur në vitin 1996, me qëllim të përforcimit të bashkëpunimit politik dhe të sigurisë, intensifikim i bashkëpunimit në shtetet në fushën e ekonomisë, demokracisë, gjyqësisë, të drejtat njerëzore dhe lufta kundër aktiviteteve ilegale.

Qëllimi specifik i kësaj nisme gjithëpëfshirëse rajonale është përmes përforcimit të marrëdhënieve të mira ndërfqinjësore dhe sigurimin e paqes në rajon, të mundësojë afrim më të shpejtë drejt BE-së dhe NATO-s.Shtete-pjesëmarrëse të plotfuqishme në PBEJL janë Shqipëria, Bosnja e Hercegovina, Bullgaria, Greqia, Maqedonia, Rumania, Serbia, Turqia, Kroacia, Moldavia, Mali i Zi dhe Sllovenia. /albeu.com/
Shtuar më 15/06/2012, ora 12:07

Shkruani komentin tuaj!
Të fundit nga kjo kategori