E FUNDIT/ Sherr mes uniformave blu, shkarkohen 2 shefa të policisë rrugore
Ivanov në forumin Kran Montana në Barcelonë
Presidenti maqedonas Gjorge Ivanov, i shoqëruar nga bashkëshortja Maja Ivanova, po qëndron për vizitë pune në Mbretërinë e Spanjës, me rastin e pjesëmarrjes në sesionin e 28-të vjetor të forumit Kran Montana, që po mbahet në Barcelonë.

Bashkëshortja e presidentit, Maja Ivanova, sot do të marrë çmimin "Medalje e artë e forumit Kran Montana", për aktivitetet, projektet dhe nismat me karakter humanitarë.

Siç informojnë nga Kabineti i Ivanovit, temat e diskutimit në forumin e sivjetshëm janë të fokusuara në prodhimin e energjisë, ndryshimet klimatike, krizën emigruese, përforcimin e rolit të gruas në shoqëri dhe mundësitë për bashkëpunim në Mesdhe, Afrikë dhe Lindjen e Afërt.

Ivanov në ditën e parë të forumit pati fjalim në sesionin zyrtar në hapjen e forumit me temë "Çfarë bote për të ardhmen? Strategji për stabilitet në mjedis të paparashikueshëm - drejt një mënyrë të re të menaxhimit".

Forumi "Kran Montana" është themeluar në vitin 1986 me qëllim që të sigurohet bashkëpunim i gjerë ndërkombëtar dhe lidhje e aktorëve ekonomikë në nivel botëror, si dhe të kontribuojë ndaj rritjes globale ekonomike, duke siguruar stabilitet, barazi dhe siguri.

Aktivitetet dhe ngjarjet në kuadër të forumit janë të orientuara ndaj krijimit të platformave të cilat do t'u mundësojnë liderëve politikë dhe të biznesit t'i implementojnë strategjitë e tyre, t'i forcojnë partneritetet dhe të zhvillojnë mundësi të reja për bashkëpunim. Forumi bashkëpunon me partnerët institucionalë ndërkombëtarë, si agjencitë e Kombeve të Bashkuara, Bashkimin Evropian dhe Këshillin e Evropës. /albeu.com/
Shtuar më 07/07/2017, ora 10:12
Shkruani komentin tuaj!
Të fundit nga kjo kategori