Ismet Ramadani: Qytetarët po vuajnë pasojat e moszbatimit të MO-së
Në 13 gusht të 2001 në qytetin e Ohrit në Maqedoni u nënshkrua marrëveshja që i dha fund konfliktit të armatosur atje dhe shihej si garantuesja e bashkëjetesës ndëretnike.

Por sipas analistit politik, Ismet Ramadani, 15 vjet pas nënshkrimit të Marrëveshjes së Ohrit, shihet se si të përmirësohet përfaqësimi i shqiptarëve nëpër institucione, por pa analizuar se sa ata kanë qasje në vendimmarrje, interpretim negativ i partive politike maqedonase në lidhje me pozicionin e gjuhës shqipe dhe përdorimin zyrtar të saj si dhe mosfunksionimin e resocializimit të pjesëtarëve të UÇK-së, raporton Shenja.

“Duke mos interpretuar si duhet amendamentin 5 dhe alinenë 5, për përdorimin e gjuhës shqipe nëpër organe dhe institucione të shtetit.

Pastaj nuk ndodhi edhe ai resocializim I pjesëtarëve të UÇK-së në luftën e 2001-shit dhe ajo që është më e keqja nuk funksionoi, institucioni si institucion demokratik”, deklaroi analisti politik Ismet Ramadani.

Ai tha se MO kishte një qëllim, që të ndërpresë një luftë qytetare ndëretnike dhe të vendosë disa shtylla të funksionimit të një shteti demokratik, multietnik ku vendimmarrja do të ishte në interes të të gjithë të qytetarëve, duke shtuar se duke pasur parasysh distancën kohore që nga nënshkrimi i saj e deri më sot, të gjitha pasojat që janë tek qytetarët janë edhe për shkak të mos funksionimit të institucioneve demokratike.

Afati për implementimin e Marrëveshjes Kornizë të Ohrit ishte viti 2005, megjithatë edhe pas 15 viteve pas nënshkrimit të saj akoma bisedohet për implementimin e saj. /albeu.com/


Shtuar më 13/08/2016, ora 18:12

Shkruani komentin tuaj!
Të fundit nga kjo kategori