Infektimi në Simnicë merr konotacion politik
Gjendja e shtatë personave të hospitalizuar në Klinikën për sëmundje infektive në Shkup vazhdon të jetë stabile dhe nën kontrollin mjekësor.

Mjekët thonë se analizat e vazhdueshme që iu bëhen të infektuarve nuk tregojnë për gjendje paniku. Sipas tyre të shtruarit do të vazhdojnë të mbikqyren në spital edhe për disa ditë me radhë. Ngjarja ka vazhduar të marrë edhe konotacion politik.

Nga ana tjetër VMRO-DPMNE ka vazhduar edhe sot akuzat ndaj ministrit të Shëndetësisë Taravri duke thënë se ai është përgjegjësi kryesor për ngjarjen tragjike të banorëve të Gostivarit. Nga VMRO-ja opozitare kërkuan përsëri dorëheqjen e Taravarit.

Si pasojë e jo zhurimimt të ministrit Taravari në fshatin e Gostivarit ndodhi epidemi e etheve hemorragjike nga e cila ndërruan jetë dy persona. Kjo është rezultat i jo përgjegjësisë së ministrit I cili gjendjen e mbikqyrën nga SHBA. Dorëheqja është ajo e cila më së paku mund ta bëj Taravari tani – tha Dafina Stojanoska, VMRO-DPMNE.

Akuza të tilla ndaj ministrit të Shëndetësisë nga opozitarja VMRO kishte edhe gjatë ditëve të kaluara. Ndërkaq përmës një statusi në facebook ministri iu përgjigj këtyre akuzave duke thënë se falë monitorimit të gjendjes, situate është nën kontroll dhe të hospitalizuarit tjerë janë në gjendje stabile.

Përmes një njoftimi me shkrim, edhe LSDM gjatë ditës së djeshme iu përgjigj akuzave të VMRO-së duke thënë se në kohën e tyre u shkatërrua sistemi shëndetësor në tërësi dhe se këta deklarata janë tentime për të përfituar politikisht nga rastet tragjike të qytetarëve./Alsat-M/
Shtuar më 29/07/2017, ora 16:47
Shkruani komentin tuaj!
Të fundit nga kjo kategori