Hoxha: Komisionet Zgjedhore po dëmtojnë shqiptarët
Arjanit Hoxha
Kryetari i shtabit zgjedhor të DR-së, Arjanit Hoxha dënoi Komisionet Zgjedhore në Maqedoni. Sipas tij dukuritë negative që po paraqiten në Komisionet zgjedhore poqë dëmtojnë shqiptarët.

“Nëse lexoni me kujdes përbërjet e Komisioneve Zgjedhore nëpër mbarë territorin e Maqedonisë, do të vëreni dy gjëra: Numri më i madh i anëtarëve shqiptarë të KZ-ve janë të punësuar në Sekretariatin për Implementimin e Marrëveshjes së Ohrit dhe përbërja etnikisht e pastër me maqedonas e KZ-ve në vendbanimet maqedonase ku nuk figuron asnjë shqiptar dhe përbërje shumë etnike e KZ-ve nëpër vendbanimet shqiptare ku thuajse kudo zëvendëskryetari i KZ-së është maqedonas”, theksoi Hoxha.

“Pra, ne pyesim: mos vallë në Maqedoni zhvillohen zgjedhje dystandardëshe – ato për votuesin shqiptar që medoemos duhet t’i kontrollojë edhe pala maqedonase, dhe zgjedhjet nëpër vendbanimet maqedonase, të cilat nuk duhet të jenë të kontrolluara edhe nga shqiptarët? Lidhur me angazhimin e të punësuarve në Sekretariatin për Implementimin e MKO-së, ne pyesim se a janë këta administratorët që me vite marrin rrogë e nuk punojnë? Dikush duhet të shpjegojë se a bëhet fjalë për njerëz që kanë përvojë pune, apo janë individë që vetëm BDI-ja i ka në listat e veta si të punësuar”, theksoi shefi i shtabit të DR-së. /albeu.com/
Shtuar më 12/05/2011, ora 16:18

Shkruani komentin tuaj!
Të fundit nga kjo kategori