Hovit viziton Maqedoninë
Raportuesi për Maqedoninë në Parlamentin Evropian, Riçard Hovit, viziton javën që vjen Maqedoninë.

Duke konfirmuar vizitën e tij, eurodeputeti ka shprehur keqardhje për shtyrjen për disa ditë të takimit të Komitetit të Përzier Parlamentar mes Maqedonisë dhe BE-së.

“Vizita ime në Maqedoni do të realizohet javën tjetër, ndonëse më vjen keq për faktin se nuk do të jem i shoqëruar edhe nga kolegë të tjerë të Parlamentit Evropian. Por, unë shpresoj se Komiteti do të caktojë një datë tjetër për të zhvilluar këtë takim”,-ka thënë ai.

Hovit ka mohuar interpretimet se anulimi i takimit të Komitetit të Përzier, flet për humbjen e interesit të PE-së për Maqedoninë. /albeu.com/
Shtuar më 25/10/2013, ora 11:47

Shkruani komentin tuaj!
Të fundit nga kjo kategori