Hovit i shqetësuar: Të rinjtë shqiptarë nuk mësojnë maqedonisht
Raportuesi i Parlamentit Evropian, eurodeputeti britanik Richard Hovit vlerëson se të rinjtë shqiptarë në Maqedoni nuk e mësojnë gjuhën shqipe. Ai këtë e ka nënvizuar në Projekt–Rezolutën e tij drejtuar Parlamentit Evropian për vlerësimin e progresit të Maqedonisë në planin e evrointegrimeve.

Në një nga amendamentet e propozuara theksohet: "Shprehë shqetësimin se më pak të rinj shqiptarë etnik e mësojnë gjuhën maqedonase, që çon drejt vazhdimit të ndarjeve dhe konfliktit potencial sipas linjave etnike midis fëmijëve në moshën shkollore", shkruan INA.

Në këtë amendament, eurodeputeti britanik që është raportues i PE-së për Maqedoninë gjithashtu propozon edhe shlyerjen e emërtimit ‘maqedonas’, që vetëm një herë e përdor në tërë tekstin e projekt–rezolutës. Ai ka sqaruar se nuk ka përdorur emërtimin “maqedonas” që të mos nxis tensione tek ata që nuk dëshirojnë këtë emërtim.

Eurodeputeti britanik Hovit propozon paragrafin e ri 13A, për të mbështetur apelin e Komisionit për politikë të jashtme të KE-së për shqyrtimin e Marrëveshjes së Ohrit. Me këtë propozim kërkohet vlerësimi se sa është bërë në planin e implementimit të kësaj marrëveshje dhe kërkohet nevoja emergjente për realizimin e detyrimeve që dalin nga kjo marrëveshje dhe që tashmë janë edhe detyrime që burojnë nga Kushtetuta e vendit. /albeu.com/
Shtuar më 25/12/2013, ora 11:56

Shkruani komentin tuaj!
Të fundit nga kjo kategori