Haradinaj takon Dimitrov, nuk flitet për tensionet e fundit
Pëlqej
Ndërsa marrëdhëniet e Kosovës me Maqedoninë janë tensionuar pas vendimit të qeverisë kosovarë për të mbrojtur produktet vendore, sot Kryeministri Ramush Haradinaj ka pritur Ministrin e Jashtëm maqedonas Dimitrov.

E megjithatë sipas Haradinaj takimi ka kaluar shumë mirë ndërsa nuk është folur për këtë cështje.

"Lidhjet e forta brenda rajonit tonë përshpejtojnë avancimin e perspektives së përbashkët euro-atlantike.

Prita sot Ministrin e Jashtëm të Maqedonisë, Nikola Dimitrov, me të cilin patëm një diskutim të hapur për të gjitha temat e interesit të përbashkët, me theks të veçantë për progresin e arritur në marrëveshjet bilaterale ndërmjet dy vendeve tona.

Bashkëpunimi i ngushtë ekonomik dhe shkëmbimet tregtare ndërmjet shteteve ngrisin mirëqenien e popujve dhe në këtë kontekst, raportet tona me Republikën e Maqedonisë janë të shkëlqyera." shkruan Haradinaj.
Shtuar më 20/07/2018, ora 16:44
Shkruani komentin tuaj!
Të fundit nga kjo kategori