VMRO-DPMNE mbajti sot një miting parazgjedhor në Resnjë, njësinë e 5-të zgjedhore ku si bartës liste paraqitet Antonio Milloshoski.

Kreu i VMRO-së, Nikolla Gruevski, premtoi se do të rrisë rrogën minimale deri në 14 000 denarë, ndërsa premtimit e kundërshtarëve të LSDM-së, për pagë minimale 16 000 denarë, e quajti joreal.

Përveç pagës minimale, Gruevski ka komentuar edhe premtimin e LSDM-së për pagën mesatare prej 500 eurove, kësaj here me një pyetje: "A i paguan Zaevi punëtorët në kompanitë e veta nga 500 euro?" - duke shtuar se e vërteta është krejt ndryshe dhe se punëtorët e Zaevit marrin minimumin e mundshëm, transmeton Zhurnal.

Ndërkohë, LSDM ka hedhur akuza mbi rivalen VMRO-DPMNE se po i kopjon programin me premtimet për rritje të pagave dhe pensioneve. /albeu.com/