Gruevski pritet në Strugë me vargjet: Ti Shqipëri më jep nder
Pëlqej
Vizita e sotme e kryeministrit Gruevski në Strugë ka rezultuar me “surpriza” për të, nga ana e shqiptarëve në këtë qytet.

Gjatë shëtitjes së tij nëpër rrugët e qytetit, Gruevski ka hasur edhe disa elemente tipik tradicional shqiptarë.

Mediat lokale transmetojnë se Nikola Gruevski u ndal para një burri që me plis në kokë, këndonte vargjet e famshme të Naimit, “Ti Shqipëri më jep nder”.

Gjithashtu gjatë parakalimit në shëtitoren Korzo, Gruevski pa flamurin shqiptar i cili është vendosur aty nga një shitës i disqeve muzikore.

Po ashtu, Gruevski nuk mundte si mos të shihte edhe banderolat e vendosura nga kryetari i Strugës, Ziadin Sela, ku thuhet “Respektoni gjuhën shqipe”.

Veç Strugës, Gruevski e vizitoi sot edhe Vevçanin. /albeu.com/
Shtuar më 24/08/2014, ora 20:50
Shkruani komentin tuaj!
Të fundit nga kjo kategori