Gruevski mburret me shqiptarët, "Korridori 8" pagëzohet Nënë Tereza
Pëlqej
Rruga e famshme "Korridori 8" do të marrë emrin e shqiptares së famshme, nobeliste e paqes, Nënë Tereza, ndërsa edhe një bankënotë e re do të mbajë figurën e saj.
Këto vendime pritet të miratohen nga Qeveria e Maqedonisë dhe kjo është paralajmëruar nga vetë kryeministri Nikolla Gruevski në një intervistë për gazetën indiane "Times of India". Gruevski ka theksuar se kjo ide e tij së shpejti do të marrë dritën jeshile edhe nga Qeveria në mbledhjet e radhës.


"Tashmë kemi bërë gravurën e disa citateve më të mira të Nënës Terezë në pllaka prej bronzi dhe i kemi vendosur në rrugët më të frekuentuar, me qëllim që çdo kalimtarë të mësojë diçka prej tyre", ka theksuar Gruevski për gazetën indiane.

Ai theksoi se një nga rrugët më të rëndësishme në rajon, me gjatësi prej 300 km do të emërtohet Nënë Tereza, dhe se kjo rrugë e lidh Shkupin me Bullgarinë dhe Shqipërinë, një pjesë e së cilës do të duhet të përfundojë në vitin 2017.

Emrin e Nënës Terezë tashmë e mbajnë Qendra Klinike në Shkup, Spitali i Gjinekologjisë, Shtëpia Përkujtimore në pjesën qendrore të kryeqytetit. "Nëna Terezë është simbol i ri i Maqedonisë. Pasardhësit e saj vijnë këtu, çdokush e njeh, përfshirë edhe vendet e Lindjes së Mesme", ka theksuar Gruevski.

Projekte për Nënë Terezën ka paralajmëruar dhe biznesmeni indian Subrajta Roj, i cili ka promovuar tashmë ngritjen e një përmendore gjigande, 18 metra, në sheshin e Shkupit.

Po ashtu është paralajmëruar edhe një qendër për përkujdesjen ndaj të moshuarve në periferi të kryeqytetit. /albeu.com/
Shtuar më 05/10/2013, ora 10:37
Shkruani komentin tuaj!
Të fundit nga kjo kategori