Gruevski largohet në dhjetor?
Nikola Gruevski
Në Bruksel e dinë se, nëse Maqedonisë i merret rekomandimi për fillimin e negociatave, kjo thjesht do ta rëndojë situatën edhe ashtu të ndërlikuar në të cilën gjendet vendi. Një veprim i tillë do të ishte një precedent dhe vetëm do ta forconte pozitën e kryeministrit në sytë e partnerëve ndërkombëtarë për të cilët ai vlen për kryeministër me politika anti-evropiane, shkruan portali maqedonas "Faktor".

Jo rastësisht është zgjedhur koha e intervistës së ndërmjetësit për kontestin maqedonas-grek me emrin, Matju Nimic, i cili pas një kohe të gjatë doli me qëndrimin se tani është koha e përshtatshme për tu arritur një kompromis për çështjen e emrit.

Sipas "Faktor", është e paqartë se si ndërmjetësi erdhi deri te ky konkluzion, nëse kihet parasysh se Maqedonia është në një krizë serioze politike, ku pritet formimi i një qeverie kalimtare që do të duhet të përgatisë terrenin për zgjedhjet e jashtëzakonshme parlamentare në prill të vitit të ardhshëm, dhe ndërkohë nuk përjashtohet mundësia që prokurori i posaçëm publik i cili do të hetojë rastet e përgjimeve, të ngrejë aktpadi penalë për veprimet e paligjshme.

Sipas informative të pakonfirmuara, kryeministri maqedonas ka shprehur gatishmëri që në Maqedoni të hapen dy kampe refugjatësh, njëri në kufi me Greqinë ndërsa tjetri në drejtim të Serbisë.

Sipas të njëjtës media, është mëse e sigurt se Gruevski do ta respektojë atë që është kontraktuar dhe në dhjetor do të tërhiqet nga posti i kryeministrit, e më pas do ta përgatisë partinë për zgjedhjet e prillit të vitit të ardhshëm. /albeu.com/
Shtuar më 05/11/2015, ora 16:08

Shkruani komentin tuaj!
Të fundit nga kjo kategori