Gjithsej 12 masa nga ana e qeverisë së Maqedonisë, prej të cilave 4 për gjashtë deri tetë mijë punësime të reja dhe 8 për mbështetje të kompanive, familjeve në nevojë që marrin ndihmë sociale, bujqit dhe transportuesit, deklaroi sot kryeministri Nikolla Gruevski.

Në konferencë për shtyp, ku ishin të pranishëm edhe ministrat e qeverisë, informoi se masat janë pjesë e së ashtuquajturës vala e re me qëllim përmirësimi i situatës së përgjithshme ekonomike-sociale në shtet.

Për realizimin këtyre projekteve qeveria e Maqedonisë do të ndajë fondin prej 13 milionë eurosh.

"Masat janë zgjedhur me kujdes dhe janë projektuar në mënyrë adekuate në kushte kur ka shkurtime të disa normave nga Buxheti. Janë reale dhe të realizueshme dhe nuk janë rezultat i pamfletizimit politik", theksoi kryeministri.

"Qeveria do të vazhdojë me zbatimin e politikës ekonomike-sociale, që është në funksion të qytetarëve dhe kompanive edhe kjo është, siç tha, gjë që e dallon nga subjektet tjera politike", deklaroi Nikolla Gruevski. /albeu.com/