Grabitet Myftinia e Dibrës
Persona të panjohur mbrëmë kanë grabitur selinë e Myftinisë në Dibër. Sipas njoftimit të policisë, janë grabitur një kompjuter laptop me të dhëna personale të Myftinisë, një televizor si dhe gjësende të tjera me vlerë nga zyrat e këtij institucioni fetar të BFIM, njofton INA.

"Grabitja sigurisht ka ndodhur gjatë natës. Ekipet tona kanë kryer ekspertizën në vendin e ngjarjes dhe se po sigurojnë detaje për të kapur autorët", deklaroi zëdhënësi i policisë, Stefan Dimovski.

Myftiu Ruzhdi Lata deklaroi se grabitësit me dhunë kanë hyrë në ambientet e këtij institucioni duke thyer derën e hekurt si dhe derën hyrëse të zyrave. Ai ka apeluar që policia të ruajë institucionet fetare dhe të dënohen kryerësit e këtyre vandalizmave.

Kjo është hera e tretë që grabitet Myftinia e Dibrës. Grabitja ka ndodhur vetëm disa ditë pasi që ishin grabitur disa ikona nga një kishë në Dibër. /albeu.com/
Shtuar më 22/10/2012, ora 12:02

Shkruani komentin tuaj!
Të fundit nga kjo kategori