Gostivar, 30 arsimtarë mes 4 rrugëve
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Një mosmarrëveshje e thjeshtë teknike mes dy drejtorëve të shkollave, duket se ka lënë në rrugë 30 profesorë të Gjimnazit të Gostivarit por edhe të atij të posathemeluar të fshatit Negotinë. Gjithçka ka filluar kur në fillim të kësaj jave, Gjimnazi i fshatit Negotinë është shkëputur edhe zyrtarisht nga Gjimnazi në Gostivar, pjesë e të cilit ka qenë me dekada të tëra, njofton Alsat-M.

Pikërisht kjo ndarje institucionale, tani ka bërë që profesorët në fjalë, mos të dinë se ku të mbajnë mësimin, ngase Gjimnazi i Gostivarit i dërgon në Gjimnazin e Negotinës për të dhënë mësim ndërsa atje nuk i pranojnë.


"Çka ndodh edhe ne nuk e dimë çka ndodh. Këtë vit shkollë në ditën e parë na ndodhi një befasi, nuk na mundësohet që të mbajmë proces të rregullt mësimorë . ka një vakum që na ka lënë një numër të madh të të punësuarve as në qiell e as në tokë. Atje shkojmë çdo ditë atje na thonë se gjimnazi I Negotinës është I pavarur".


"Unë një ditë isha në shkollën e Negotinës atje, atje sqarojnë qartë se shkolla e Negotinës tanimë është subjekt në vete dhe patjetër të ketë marrëveshje mes shkollave se cilët kuadro duhet transferuar atje"

"Nëse unë si një personalitet me një orar të ngjeshur në drejtimin e sociologjisë që unë ligjëroj mbi 30 vjet zëvendësohem me një profesor joadekuat dhe pa përvojë pune unë dua të them se këtu diçka tjetër fshihet",tha një prej mësuesve.

Por teksa profesorët ankohen, drejtori i Gjimnazit të Gostivarit, thotë se nuk janë në dijeni se Gjimnazi i Negotinës, është ndarë ligjërisht nga shkolla qendrore. Prandaj thotë ai, profesorët që duhet të mbajnë orë mësimi edhe në Negotinë, i nënshtrohen orarit, i cili vlen për të dyja shkollat, pra siç i quan ai, edhe për të disperzuarat në fshat.

"Në nuk kemi asnjë informatë as nga Ministria e Arsimit as nga njësia rajonale e Ministrisë së Arsimit se ato paralele në fshatin Negotinë janë të pavarura , dhe derisa ne nuk kemi nga ministria asgjë ligjore të dërguar me shkrim që ajo shkollë është si subjekt I ri juridik ne patjetër të funksionojmë si një shkollë", deklaroi Arben Ademi, Drejtor i Gjimnazit të Gostivarit.

Por teksa, askush nuk jep zgjidhje për kapërcimin e kësaj krize, profesorët ankohen se kanë mbetur në rrugë. Nga Ministria e Arsimit deri më tani nuk kanë dhënë kurrfarë sqarimi se si do të mbyllin këtë çështje. /albeu.com/

Shtuar më 09/09/2012, ora 10:56
Shkruani komentin tuaj!
Të fundit nga kjo kategori
 
Një avion i linjave egjiptiane ka kryer ulje të detyruar në aeroportin e Larnakes në Qipro, në orën 8:46. 

Ai ka liruar te gjithe pasagjeret, por jo ekuipazhin e avionit

Një avion i linjave egjiptiane ka kryer ulje të detyruar në aeroportin e Larnakes në Qipro, në orën 8:46. Ai ka liruar te gjithe pasagjeret, por jo ekuipazhin e avionit