Shtetet e Bashkuara të Amerikës e kanë përsëritur edhe një herë se mbështesin fuqishëm anëtarësimin e Maqedonisë, Bosnje-Hercegovinës, Malin e Zi dhe Gjeorgjisë në NATO.


Kjo mbështetje është rikonfirmuar nga ndihmëssekretari amerikan i Shtetit, Philip Gordon, në fjalimin e tij të mbajtur sot në Konferencën Vjetore të Qendrës së Shteteve të Bashkuara dhe të Evropës në Washington D.C, njofton Albeu.


"Shtetet anëtare në NATO, gjatë samitit, nuk dërguan ftesa për zgjerimin e NATO-s, por përcollën mesazhe pozitive për Bosnjë dhe Hercegovinën, Maqedoninë, Malin e Zi dhe Gjeorgjinë. Në samitin e Çikagos, Sekretarja e Shtetit Hillary Klinton bëri të qartë se dyert e NATO-s duhet të mbeten të hapura për demokracitë evropiane që dëshirojnë dhe janë të afta të marrin përgjegjësitë dhe detyrimet nga anëtarësimi", ka deklaruar Philip Gordon. /albeu.com/