E FUNDIT/ Sherr mes uniformave blu, shkarkohen 2 shefa të policisë rrugore
Goditet mafia shqiptare, super aksion i policisë në pesë shtete të BE-së
Një aksion i madh policor kundër plantacioneve të paligjshme të kanabisit ka nisur në pesë vende të BE. Mediat belge njoftuan se operacioni po drejtohet kundër “mafias shqiptare”.

Operacionet policore janë duke u zhvilluar me ndihmën e Interpolit edhe në Francë, Itali, Britani të Madhe dhe Holandë.

Sipas burimeve gjyqësore, hetimi i cili ka filluar që para një viti në qytetin Mons të Belgjikës, synon zbulimin e shumë plantacioneve të kanabisit të cilat kontrollohen nga mafia shqiptare. Në kuadër të operacionit, nga e mërkura e deri më sot janë arrestuar rreth shtatëdhjetë persona.

Bastisjet e policisë po zhvillohen edhe në Gjermani e Greqi. Sipas medias belge, disa prej të arrestuarve janë pjesëtarë të “mafias shqiptare”, shumica e tyre me qëndrim të parregullt në Belgjikë dhe me urdhër dëbimi. Personat e ndaluar janë vendosur në qendra të mbyllura për të huajt.
Shtuar më 05/04/2019, ora 17:15
Shkruani komentin tuaj!
Të fundit nga kjo kategori