E FUNDIT/ Partizani humb mundësinë e kreut, Skënderbeu i "bën gjëmën" (VIDEO)
Fyle: Progresi i pamjaftueshëm
Reformat e BE-së janë kthyer në binarë pas krizës politike, por nuk kanë shënuar progresin e nevojshëm, si pasojë e zbatimit të pamjaftueshëm të marrëveshjes së 1 marsit.

Kështu ka deklaruar ndër të tjerash, komesioneri për Zgjerim pranë BE-së, Shtefan Fyle, në konferencën për shtyp në Parlamentin Evropian në Strasburg, ku shpalosi aspekte të caktuara të Raportit Special të KE-së.

Fyle ka thënë qartas se marrëveshja ndërpartiake e fillimmarsit, nuk ka siguruar progres në zbatimin e reformave evropiane, dhe se rekomandimi për fillimin e negociatave, do të kushtëzohet nga zgjidhja e krizës politike, raporton Zhurnal.

“Unë sqarova javën e kaluar, gjatë qëndrimit në Shkup, rëndësinë e zbatimit të kësaj marrëveshjeje, veçanërisht në pjesën për komisionin anketues dhe për vazhdimin e dialogut me gazetarët për ligjin e mediave”, ka deklaruar Fyle.

Duke folur për kontestin e emrit, komesioneri ka thënë se propozimi i ri i ndërmjetësit Metju Nimic, përbën moment të ri në raportin e KE-së, ndërsa është shprehur optimist se “zgjidhja mund të çojë drejt zgjidhjes”.

Fyle ka vlerësuar përparimin edhe në segmentin e marrëdhënieve fqinjësore me Greqinë dhe Bullgarinë. /albeu.com/
Shtuar më 16/04/2013, ora 18:04

Shkruani komentin tuaj!
Të fundit nga kjo kategori