Fuere: Gjuha shqipe pas 10 viteve mund të jetë shtetërore
Pëlqej
Ervan Fuere
Ambasadori i BE-së në Shkup, Ervan Fuere, duke iu përgjigjur pyetjes për përdorimin e termit gjuha shtetërore në Raportin e KE-së euroambasadori tha se është e çuditshme mënyra në të cilën ndodhën gjërat.

“KB-ja e ka korrigjuar situatën e cila nuk e di se nga ka dalë, ndërsa BE-ja i ndjek orientimet e Organizatës Botërore. BE-ja nuk është përfshirë në punët për ndryshimin e identitetit të njerëzve.

Përkundrazi, forca e BE-së është në dallimin që ekziston në të dhe ne i respektojmë dallimet e identiteteve. Megjithatë nuk është korrekte që të keqpërdoret koncepti i identitetit për qëllime politiko-partiake”, tha Fuere.

“Për ne gjuha shtetërore është gjuha maqedonase. Mundet që për 10 vjet edhe gjuha shqipe të jetë e tillë, ose ajo serbe apo rome. Në Afrikën Jugore ekzistojnë 11 gjuhë zyrtare me të cilat njihen të gjitha komunitetet e ndryshme etnike. Kjo mund të ndodh edhe këtu që të ketë dy, tre ose pesë gjuhë”, tha Fuere.
Shtuar më 17/11/2010, ora 11:46
Shkruani komentin tuaj!
Të fundit nga kjo kategori